Каква е навистина наплатата на даноците: Кај ДДВ оди најтешко
Објавено во: Економија 03 Декември, 2018
Вкупните даночни приходи до септември годинава се за над пет проценти повисоки од лани, а најголем раст има на приходите остварени кај данокот на добивка, покажуваат статистичките податоци на Управата за јавни приходи. Последни се податоците за третиот квартал или заклучно со септември годинава. До тогаш државата собрала 25 проценти повеќе пари од данокот на добивка ако сумите се споредуваат со истиот период лани.
Во пари, лани до септември прихопдите од данокот на добивка биле 9 милијарди денари, а гоиднава се над 11,5 милијарди денари.
Кај персоналецот натфрлувањето е за седум проценти. Она што загрижува е што и покрај тоа што станува збор за мал процент, помал и од еден, сепак државата годинава собрала помалку пари од ДДВ споредено со истиот период лани.
Токму ова беше спорно и кај експертите кога го критикуваа зголемувањето на данокот на личен доход, па тврдеа дека државата треба да ја зголеми дисциплината во наплатата на ДДВ или ако сака поголеми приходи да оди со зголемување на овој данок.
Директорката на Управата за јавни приходи, Сања Лукаревска во неделното интервју за Радио слободна Европа тврдеше дека наплатата година оди одлично.
„Нашата основна цел е да го полниме буџетот и мислам дека сега за сега тоа совршено добро го правиме. Податоците коишто ги имаме за оваа година и ги споредуваме со претходната година, покажуваат дека секаде имаме надминување на планот и на наплатата и со тоа повторно се потврдува фактот на економскиот тим дека 2019 година со гаранција може да ја сметаме за економска година. Во повеќе сектори има одредени придвижувања, рече Лукаревска.