КАКВА КАТАСТРОФА ЗА НАЈПРЕСТИЖНИОТ ИСТРАЖУВАЧКИ ЦЕНТАР, ЏОН ХОПКИНС: По ударот од Трамп, универзитетот ги гаси истражувањата и работните места

Добивај вести на Viber

По ударот од Доналд Трамнп, еден од најпрестижните американски истражувачки универзитети се заканува да ги затвори клучните медицински и научни проекти ширум светот.

Универзитетот Џон Хопкинс вчера објави дека ќе отпушти повеќе од 2.000 вработени во САД и во странство, откако администрацијата на претседателот Доналд Трамп ја намали поддршката од 800 милиони долари за реномираната институција. Ова е најголемото отпуштање во историјата на овој прв американски истражувачки универзитет и влијае на 247 вработени во САД и уште 1.975 луѓе во 44 земји низ светот.

Овозможивме прочистување на водата, ја започнавме областа на генетскиот инженеринг и ја потврдивме автентичноста на Свитоците од Мртвото Море. Го изумивме сахаринот, CPR-реанимацијата и суперсоничниот млазен мотор. Нашите напори резултираа со закони за безбедносни седишта за деца, пронајдокот на драмамин, мербромин, гумени хируршки ракавици, како и со развој на револуционерен хируршки метод за лекување на срцеви мани кај новороденчиња“, наведува универзитетот некои од своите придонеси во науката.

Меѓу другото, Универзитетот Џонс Хопкинс ја изработи и најнапредната протеза за рака контролирана со мисли, испрати летало во орбитата на Меркур и за првпат успешно слета на астероид, го разви првиот ефикасен лек за српеста анемија и создаде отпорност на луѓето против убоди од пчели, стои на неговата веб-страница.

Кратењата ќе влијаат на одделот на Блумберговата школа за јавно здравство, на нејзиниот медицински факултет и на поврзаната асоцијација за меѓународно здравство Jhpiego.

„Ова е тежок ден за целата наша заедница. Прекинот на финансирањето од повеќе од 800 милиони евра од USAID сега нè приморува да го редуцираме клучниот ангажман овде во Балтимор и во светот“, соопшти универзитетот.

Владата на Трамп го разгледува и прашањето за финансирањето на 60 американски универзитети, вклучувајќи го и Хопкинс, поради пропалестинските протести на кампусите, кои ги смета за антисемитски. Демонстрантите ги отфрлаат тие тврдења и велат дека американската влада неоправдано ја поврзува критиката кон израелската воена офанзива во Газа со антисемитизмот.

Минатата недела, американската влада, исто така, откажа грантови од 400 милиони долари за Универзитетот Колумбија во Њујорк. Администрацијата на Трамп, исто така, сака да го депортира Махмуд Калил, палестински студент кој одигра значајна улога во пропалестинските протести на универзитетот.