Какви промени ќе претрпат Е-аукциите на УЈП?

Добивај вести на Viber

Е-аукциите на УЈП беа една од помодерните алатки за наплата на даночните долгови од запленетиот имот и предмети на должниците, но истите носат и фискални трошоци за државната управа, па така на вчерашната седница на Владата на Република Македонија беа донесени повеќе заклучоци за оваа процедури.

Владата најпрво и предложи на УЈП објавите за одржување на електронски аукции за продажба на движен и недвижен имот да не ги објавува во најмалку две јавни гласила за што се трошат пари, туку да ги објавува најавите за претстојните е-аукции на својата веб страна со што секако ќе се одржи степенот на информараност на заинтересираните.

Исто така на УЈП од страна на Владата и е предложено е-аукциите да ги одржува еднаш месечно наместо на секои две недели. Исто така е предложено овие измени да бидат разгледани и применети преку соодветни законски измени.

На е-аукциите на УЈП се учествува со регистрација преку сајтот на установата, се врши пријава, а кога ќе започне електронското наддавање се остава депозит од 10% од проценетата вредност на движниот или недвижниот предмет. Процесот на наддавање претставува натпревар помеѓу повеќе наддавачи коишто сакаат да го купат истиот предмет. По завршувањето на аукцијата наддавачот со највисока понудена цена и доколку таа цена е одобрена и прифатлива е новиот сопственик на предметот.