Какви забелешки има ДИК за кандидатските листи?

Добивај вести на Viber

ДИК им остави рок од 48 часа на дел од 13-те политички партии и коалиции кои доставија кандидатски листи за да ги отстранат констатираните недостатоци. 

Тоа се  достава на транскациска сметка за изборна кампања, уверение за неосудуваност, изјави и копии од лични карти на кандидатите, објави Телма.

Коалицијата за промени и правда треба да го зголеми бројот на кандидатите жени. Најмногу забелешки има за листата на Социјалдемократската партија на Македонија на Бранко Јаневски. И во минатото оваа партија предложи лица со имиња кои се исти или слични со имињата на дел од кандидатите на СДСМ. Во третата изборна единица тие за носител ставија лице со исто име и презиме како Љупчо Николовски, дополнителниот заменик министер за земјоделство кој е исто така носител на листа во тројката.  Стево Пендаровски од единицата ќе се натпреварува со Стево Продановски од Зелениково, а на Радмила Шекеринска во петката ке и се спротивстави Радмила Шукуровска од Прилеп.

Некои од членовите на ДИК велат дека СДПМ има јасна цел да ги збуни гласачите, дека станува збор за продолжено кривично дело со кое треба обвинителството да се занимава.