26 Септември, 2021
0.0244

Камчев за Фактор: Поднесов барање за нов времен пасош, не планирам да бегам, ќе докажам дека заради рекет ми е конструиран случај

Објавено во: Македонија 08 Ноември, 2019

Бизнисменот Јордан Камчев на кого денеска му истекува времената патна исправа, веќе аплицирал за нова, потврдува за Фактор. До Јавното обвинителство заедно со барањето за издавање на нова патна исправа вели дека доставил докази и документи кои ги потврдуваат сите следни  негови состаноци кои треба да се одржат надвор од државата. Впрочем со истите докази и потврди беше одобрен и првиот времен пасош. Правните застапници навеле дека се работи за службени средби на кои е неопходно да присуствува и самиот Камчев кој е претседател на Управниот Одбор на Аџибадем Систина и на Орка Холдинг и член на Управниот Одбор на Аџибадем Сити Клиник во Бугарија. Камчев вели дека не планира да бега од државата, дека не сторил ниту едно кривично дело и дека тоа ќе докаже дека заради рекет му е конструиран случај. Во последните 6 месеци, земјата ја напуштал, вели, повеќе од 50 пати и повтoрно се враќал назад.

Камчев до синоќа беше на службен состанок во Аџибадем во Истанбул, но сега веќе е во Скопје.

Синоќа Камчев рече дека поднел барање за нова времена патна исправа.

„Точно е дека поднесов барање за продолжување на мојата патна исправа, иако морам да нагласам дека и самото одземање на мојот пасош беше мерка, која произлезе од правно искреирана постапка за мое заплашување и рекетирање. Колку е контаминирана самата постапка се докажа и со приведувањето на Специјалната јавна обвинителка која беше одговорна за предметот. Сепак, јас ги почитувам нашите институции и верувам во нив и затоа почитувајќи ги законските прописи, поднесов барање за продолжување на патната исправа, вели Камчев.

Стои на тврдењето дека не сторил кривично дело и дека тоа тврдење ќе се докаже и во процесот за кој смета дека бил монтиран од самиот почеток па резултирал со истрага од Обвинителството за гонење на криминал дека самиот бил рекетиран.

„Имав храброст да и го соопштам тоа на јавноста која ја заслужува вистината,  не сакав да кријам бидејќи сметам дека апсолутно Република Македонија треба да се движи напред, да биде во чекор со европските вредности и европските правила на игра. Со самиот факт дека со времениот пасош кој го имав досега преку 50 пати сум ја напуштил државата и сум се вратил во Република Македонија, сметам дека апсолутно не се доведува во прашање моето враќање, затоа што немам ниту намера, ниту желба да ја напуштам земјата. Токму спротивното, имам намера да докажам дека немам сторено ништо против законите на оваа држава и како лојален граѓанин и чесен бизнисмен да го оправдам мојот углед пред судовите и пред обвинителството во Република Македонија“, вели Камчев.

Вели дека води компании кои вработуваат повеќе од 2.700 луѓе во земјата и кои претставуваат значаен субјект во македонската економија и во буџетот. Тврди дека само во првото полугодие годинава од сите нив уплатени се 14 милиони евра по основ на сите даноци во македонскиот буџет.

А.Т.

Можеби ќе ве интересира

ПО 20 ГОДИНИ, КОНЕЧНО НАШАТА ДРЖАВА ЌЕ ДОБИЕ РЕЛЕВАНТНИ И АКТУЕЛНИ ПОДАТОЦИ: Премиерот Заев и неговото семејство се попишаа

ПО 20 ГОДИНИ, КОНЕЧНО НАШАТА ДРЖАВА ЌЕ ДОБИЕ РЕЛЕВАНТНИ И АКТУЕЛНИ ПОДАТОЦИ: Премиерот Заев и неговото семејство се попишаа

МЛАДО МОМЧЕ ОД ДЕЛЧЕВО ПОЧИНА ОД КОВИД КОМПЛИКАЦИИ ВО ГЕРМАНИЈА: Најблиските на 32-годишниот Гоце молат за помош за транспорт на телото

МЛАДО МОМЧЕ ОД ДЕЛЧЕВО ПОЧИНА ОД КОВИД КОМПЛИКАЦИИ ВО ГЕРМАНИЈА: Најблиските на 32-годишниот Гоце молат за помош за транспорт на телото

ЗА ПОВЕЌЕ ОД ПОЛОВИНА СКОПЈАНИ СОСТОЈБАТА ВО ГРАДОТ Е ПОДОБРЕНА: Анкета на Агенција Рејтинг

ЗА ПОВЕЌЕ ОД ПОЛОВИНА СКОПЈАНИ СОСТОЈБАТА ВО ГРАДОТ Е ПОДОБРЕНА: Анкета на Агенција Рејтинг

ШАНСА ЗА ЦЕНТАР: Поранешна „Треска“ ја зафати пожар, ако изгоре ќе биде идеална ситуација за урбаната мафија

ШАНСА ЗА ЦЕНТАР: Поранешна „Треска“ ја зафати пожар, ако изгоре ќе биде идеална ситуација за урбаната мафија

КОВИД СТАТИСТИКА: Нови позитивни на вирусот 392, од компликации на ковид починаа 17 пациенти

КОВИД СТАТИСТИКА: Нови позитивни на вирусот 392, од компликации на ковид починаа 17 пациенти

ДЕНЕСКА БЕВ ДОМАЌИН НА ПОПИШУВАЧИТЕ: Лидерот на ДУИ, Ахмети се попиша, апелира сите да го сторат тоа

ДЕНЕСКА БЕВ ДОМАЌИН НА ПОПИШУВАЧИТЕ: Лидерот на ДУИ, Ахмети се попиша, апелира сите да го сторат тоа

СО БУГАРИЈА МОЖНО Е ПРИДВИЖУВАЊЕ ПРЕД БОЖИК, ВО ДЕКЕМВРИ: Заев за австриски Стандард

СО БУГАРИЈА МОЖНО Е ПРИДВИЖУВАЊЕ ПРЕД БОЖИК, ВО ДЕКЕМВРИ: Заев за австриски Стандард

ВЧЕРА СЕ ВАКЦИНИРАЛЕ 6.897 ГРАЃАНИ: Прва доза од вакцината против ковид примиле само 1.717 граѓани

ВЧЕРА СЕ ВАКЦИНИРАЛЕ 6.897 ГРАЃАНИ: Прва доза од вакцината против ковид примиле само 1.717 граѓани

ЗАЕВ: Не мислам да го разрешам Филипче заради писмото на хирурзите од ГОБ „8 Септември“

ЗАЕВ: Не мислам да го разрешам Филипче заради писмото на хирурзите од ГОБ „8 Септември“