Каменос: Не разбирам зошто да не се одржи референдум во Грција
Објавено во: Балкан 08 Август, 2018
Панос Каменос, коалициониот партнер во грчката влада и министер за одбрана на Грција во интервју за радиото „Реал фм тврди дека пред Договорот од Преспа да дојде во грчкиот парламент, Независни Грци ќе ја напуштат владата, а земјата ќе оди на избори .
„Од моментот кога премиерот ќе реши овој договор да го донесе во парламентот, ќе одам кај него, ќе му соопштам дека ја повлекуваме довербата за владата и си даваме оставки ние што сме министри од Независни Грци и ќе одам кај претседателот на државата, а паралелно ќе ја повлечам довербата на коалиционата влада на двете партии, кажа Каменос, истакнувајќи дека во тој случај, во Грција ќе треба да се одржат избори.
Тој исто така дека постои и друго решение, а тоа е одржување референдум, за грчките граѓани да одлучат дали го одобруваат или не договорот.
„Не разбирам зошто да не се одржи референдум во Грција, а да се одржи референдум во Скопје“, додаде Каменос.