Каменос: Скопјаните го имаат убедено нивниот народ во еден мит што го изгради Тито

Добивај вести на Viber

Mинистерот за одбрана на Грција и коалициски партнер во грчката Vлада,  Панос Каменос во интервју за радиото „Алфа989“ вели дека решение нема да се најде.

Тој уште еднаш ја повтори позицијата дека неговата партија нема да гласа за сложено име со терминот Македонија, без разлика дали, како што рече, ќе се вика „Илинден, Свети Илија, дали ќе се вика Горна, дали ќе се вика Долна, Вардарска Македонија, тоа е Македонија“.

„Верувам дека нема да се најде бидејќи самите Скопјани го имаат убедено нивниот народ во еден мит што го изгради Тито и што се врти околу името Македонија. Јас имам јасна позиција, нема никогаш да гласам за име што го содржи терминот Македонија. Независни Грци ова го имаат во основачката прокламација, ние нема шанси да гласаме кое и да е името дали Горна, Долна, Свети Илија“ – рече Каменос во интервјуто.

Како што јави дописничката на МИА од Атина, коалицискиот партнер во грчката Влада, рече дека предуслов за договор е да се направат уставни промени кај нас, за кои изрази став дека не би поминале во македонското собрание.

Ако не сакаме промена  на Уставот, разговорите запираат, вели Каменос.