КАРАЏОВСКИ: Со риби и школки ги честевме странските делегации
Објавено во: Економија 29 Декември, 2016
Првиот човек на Македонски шуми Жарко Караџоски вели дека штеделе пари и дека високите кафански сметки всушнсот биле за странските делагации од Турција и Австрија.
„За конкретната фактура за која зборувате, станува зборза австриска и турска делегација која што во многу наврати помогнала на Македонски шуми. Во текот на 2016 сме оствариле четири средби во Турција и на нивни трошок не угостувале таму. Значи динар не сме дале. Направиле една посета на Македонија и ние не требаше да им дадеме ручек,“ вели Жарко Караџовски, директор на ЈП „Македонски шуми“.
Инаку како што Фактор веќе објави Македонски шуми трошеле дебели сметки во кафеани.
Фактор открива дел од сметките, добиени со Закон за пристап до информации од јавен карактер за тоа што се било нарачувано и колку било плаќано.
Ракчиња, октопод, морски риби, шкапи, вино и по некое виски – ова било најчесто на менито на службените вечери платени од сметката на „Македонски шуми“. А најчесто се јадело во ресторанот „Џино“. Сметките за една службена вечера платени во овој ресторан достигнувале до 300 евра.
Но, најголема поединечна сметка, била платени во охридскиот ресторан Билјанини извори.
Таму, за еден ручек организран на 29 јули минатата година „Македонски шуми“ потрошиле 650 евра. Од нив, дури 230 евра биле платени за пастрмката, а на крајот имало и торта и сладолед за што се платиле 60 евра. Судејќи според фискалната сметка, на овој ручек присуствувале триесетина луѓе.
Но, кога сметката стигнала во секторот финансии, оттаму барале да биде проверено, кој, зошто направил толкава сметка, и истата забелешка ја напишале на самата фактура. Сепак, според аналитичката картичка на претпријатето се констаира дека подоцна сметката била платена.