Кастриот Реџепи по Заев и Османи, го посети и Маричиќ
Објавено во: Македонија 26 Ноември, 2021
Кастриот Реџепи, одметнатиот пратеник од Беса, го посети и министерот за правда Бојан Маричиќ, откако претходно имаше средби и во кабинетите на премиерот Зоран Заев и министерот за надворешни работи Бујар Османи.
„Стабилно мнозинство и стабилна Влада се клучни во месеците кога се прават големи напори за отворање на преговорите со ЕУ. Со пратеникот Кастриот Реџепи се согласивме дека ни престои навистина важен период во евро-интегративниот пат, а потребата од продолжување на реформите е голема“, напиша Маричиќ на Фејсбук.
Реџепи е пратеникот кој во псоледен момент се откажа од гласањето на недоверба на Владата, а откако реши да остане со власта, ситуацијата во Собранието е изедначена по број на пратеници во однос на опозицискиот блок.