Катица Јанева од Шутка се јави со уште едно писмо

Добивај вести на Viber

Со ново писмо од затворот Шутка каде е во притвор, специјалната јавна обвинителка од СЈО, Катица Јанева си поднела оставка, објави Сител. 

Таа со новото писмо го информирала Советот на јавни обвинители дека ја активира условната оставка која ја поднесе на 15 јули. 

Во јули, на денот на апсењето на Бојан Јовановски, Јанева поднесе усмена оставка. 

Собранието сепак ќе мора да гласа за нејзиното разрешување поради процедурата пропишана во согласност со законот. 

Сите 13 пратеници од собраниската Комисија за именување денеска гласаа за разрешување на специјалната обвинителка Катица Јанева за време на седницата која ја водеше Илија Димовски.  Одлуката е донесена без дискусија. Јанева се разрешува поради несовесно и нестручно раководење со СЈО. Седницата беше затворена за јавноста поради класифицираните податоци и важните информации кои ги содржеше извештајот. Предлогот сега ќе биде доставен до претседателот на Собранието, Талат Џафери,  а истиот треба да се стави на дневен ред на пленарна седница.

Таа е во притвор заедно со Боки 13 и Зоки Милевски Кичеец за случајот „Рекет". Јанева е третоосомничена во случајот. 

Откако е во притвор дала наредба сите предмети од СЈО да ги преземе ЈО. 

Обвинителката од СЈО, Фатиме Фетаи, денеска порача дека не е важно кој ќе ги застапува овие предмети, туку да се истера правдата до крај и да се санкционираат обвинителите.