Катица Јанева се уште не е вратена во притвор

Добивај вести на Viber

Катица Јанева втор ден по ред е во приватна клиника, откако вчера беше пријавено дека поранешната специјална обвинителка, сега веќе обвинета во случајот „Рекет“, е во прединфарктна состојба.

На поранешната шефица на СЈО и е одреден притвор во истражниот затвор Шутка, а вчера и беше одредено обвинение како второобвинета, заедно со Бојан Јовановски и Зоран Милевски.

Адвокатката Ирена Фрчковска за телевизијата Алсат изјави дека Јанева има здравствени проблеми и аномалии и дека и денеска ќе престојува во приватната клиника. Адвокатите велат дека повторно ќе бараат домашен притвор заради влошената здравствена состојба, но откако ќе добијат судски одговор во врска со гаранцијата што Јанева претходно ја обезбедила за ослободување од затворот Шутка.

Од таму велат дека минува низ некои дополнителни процедури на тестирање и нејзиното здравје го следат докторите. 

„Јанева сè уште е во болницата „Жан Митрев“ каде минува низ различни тестови Нејзината здравствена состојба се следи. По прегледите и се дијагностицирани некои проблеми и абнормалности, но сè уште се наоѓа на понатамошна анализа. Веројатно ќе остане денес во болницата. Секако, ќе побараме мерка куќен притвор, но штом ќе го добиеме решението за кауција, што ќе треба да се донесе следната недела “, рече адвокатката.