Катругалос: Договорот е блиску, потребна е смела одлука на Заев
Објавено во: Балкан 29 Мај, 2018
Aлтернативниот министер за надворешни работи на Грција, Јоргос Катругалос во интервју за грчкото радио „Њуз247“ вели дека за уставни промени и ерга омнес решение потребна е смела одлука од премиерот Зоран Заев за да има договор.
Според него, во овој момент тежината за постигнување договор е навистина кај другата страна.
„Потребна е смела одлука од страна на премиерот Заев за двете прашања за кои имаме дискутирано, за уставни измени во врска со името и прифаќање на ерга омнес решение, за да се реши проблемот“- вели Катругалос.
Тој додаде дека токму ерга омнес и промената на Уставот се грчките црвени линии за да постои пакет- договор.
Сето ова, според него, е пакет и токму затоа ништо не е договорено, сѐ додека не се договори сѐ.
Тој е оптимист за решение, а договорот е блиску.