Кина го „напаѓа“ доларот, следат големи промени!

Добивај вести на Viber

Вклучувањето на кинескиот јуан во резервните валути на ММФ ќе доведе до значајни промени во меѓународниот монетарен систем, пишува германскиот весник „Dojče virtšafts nahrihten“.

Овој потег може да доведе до сериозни пресврти во финансискиот систем, се истакнува во студијата.

Според зборовите на претставник од „Standad čarted bank“ Јуке Пилман, Кина ќе оствари прилив на капиталот во износ од 1,1 милијарди долари, како резултат на вклучувањето на јуанот во кошницата на валути на ММФ. Централните банки, државните фондови и мултилатерални институции ќе ја апсорбираат валутата во своите резерви.

Кина успешно користи долгорочна, неупадлива стратегија за да стане голема сила во светската економија. Фактот дека ММФ го додал јуанот, кинеската валута во кошницата на резервни валути е повеќе од доказ за успешната кинеска стратегија.

Шест од десет најголеми централни банки ширум светот досега одбиваа да инвестираат на кинескиот пазар на меѓубанкарски обврзници.

Меѓутоа, кога јуанот биде цврсто интегриран во кошницата на валути, банкарите на централните банки ќе ја преиспитаат својата одлука во таа смисла, смета Плиман.  Со идни 10,9 проценти во кошницата на валути на ММФ, јуанот ќе стане трета светска валута во светот.

Истовремено, односот на еврото ќе се намали од 37,4 на 30 одсто, што претставува вистинска промена во валутниот пазар, прв пат после 16 години.