КИНА ГО ОПОМЕНА ИРАН: Бара да ги заузда Хутите или ќе има последици

Добивај вести на Viber

Пекинг му постави ултиматум на Техеран и бара да ги зауздаат Хутите кои вршат напади на бродови во Црвеното Море. 

Кинеските власти побараа од иранските колеги да помогнат во зауздувањето на нападите на јеменските бунтовници Хути на трговските бродови во Црвено Море, поради тоа што, во спротивно, ризикуваат да ги нарушат деловните односи со Пекинг, кажале за Ројтерс четири ирански извори и дипломати запознаени со проблемот.

Неименуван ирански функционер изјавил дека кинеските функционери кажале дека, доколку на кој било начин им биде нанесена штета на интересите на Кина, тоа ќе влијае на соработката на Пекинг со Техеран. Изворите додале дека кинеските власти не прецизирале на кој начин во тој случај би биле нарушени трговските односи на Кина и Иран. Иако Кина е најголемиот трговски партнер на Иран во минатата деценија, трговскиот однос на двете земји е несреден, објави Ројтерс. Британската агенција наведува дека, на пример, кинеските рафинерии за нафта лани купиле повеќе од 90 отсто од иранскиот извоз на сирова нафта, откако американските санкции ја држат подалеку од други купувачи, а дека кинеските фирми профитирале од големите попусти.

Иранската нафта е само 10 отсто од кинескиот увоз на сирова нафта.

Поради нападите, се очекува пораст на цената на кафето. Хутите напаѓаа странски бродови. Тие на тој начин даваат поддршка на Палестинците во Газа.

foto EPA