Кина забранува рекламирање на луксузни стоки

Добивај вести на Viber

Кинеските радио и телевизиски станици ќе ги забранат рекламите на скапи и луксузни стоки поради зголемениот притисок на владата против екстравагантноста и прекумернииот отпад и корупцијата, пренесува Ројтерс. „Ваквите реклами пренесуваат погрешни вредности и социјални доблести", соопштуваат од Државната администрација за радио, филм и телевизија. „Како важни културни и идеолошки радио и телевизиски канали мора целосно да вршат својата образовна улога", коментира портпаролот на кинеската телевизискка агенција. Забраната доаѓа по апелите на Си Џинпинг, новиот лидер на Кина. Сепак, како што пренесува Ројтерс, тоа може и да влијае негативно на производителите на луксузни стоки, кои силно се потпираат на експанзијата кинескиот пазар. Минатата година владата во Пекинг ја забрани употребата на алкохол за време на банкет на кинеската армија. Тоа ги погоди производителите на скапи ликери, кои се и најголемите рекламери на телевизиските мрежи во земјата. Најновите мерки се очекува да влијаат на производителите на накит и најмногу на луксузни часовници, кои се еден од симболите на благосостојбата во Кина.