КИНЕЗИТЕ ИМ ДОЈДОА САМИ: Без субвенции отворија фабрика
Објавено во: Балкан 19 Март, 2017
Кинески бизнисмени денеска во градот Јагодина во Србија отвораат фабрика за влечки, во која ќе работат 20 луѓе за почеток, а за 6 месеци уште толку.
Тие не барале субвенции ниту од државата ниту од градот, а ветиле дека ќе се потрудат да донесат уште инвеститори од Кина.
Градоначалникот Драган Марковиќ Палма вели дека секое работно место е важно затоа што од даноци се полни буџетот.
Од индустријата за кабли преку социјална програма си заминаа 3.000 работници.
Кинезите отвораат фабрика на 1000 квадрати површина. Во градот 4 компании од Италија вработуваат над 1000 работници. Сепак и компании од Русија и Германија градат фабрики во Јагодина.