Кирацовски: Пендаровски е во водство и очекуваме победа
Објавено во: Македонија 05 Мај, 2019
Александар Кирацовски, шефот на изборниот штаб на СДСМ, на првата пост-изборна прес-конференција објави дека кандидатот на владината коалиција Стево Пендаровски е во водство и дека се очекува негова победа.
- Првичните тенденции во нашиот аналитички центар покажуваат дека Стево Пендаровски е во водство. Граѓаните пристапија одговорно, масовно го искористија своето гласачко право. Северна Македонија имаше кристално чисти избори како што и доликува на една европска и демократска земја - изјави генералниот секретар на СДСМ.