Ќе ги гони ли кривично „Скопски пазар“ своите директори?

Добивај вести на Viber

„Современ дом“ како најголем поединечен акционер предлага „Скопски пазар“ да донесе одлука со која ќе се приклучи кон прогон на актуелни  и поранешни членови на Управниот одбор и надзорниот одбор и на предјавување н имотноправно барање во кривична постапка

Најголемиот поединечен акционер во „Скопски пазар“, прилепската фирма „Современ дом“ бара „Скопски пазар“ да се приклучи кон кривично гонење на претседателот и на членови на Управниот одбор на компанијата. Ова е предлог одлука за претстојнот акционерско собрание закажано за 11 јуни годинава. За оваа предлог одлука „Современ дом“ предлага „Скопски пазар“ да се приклучи кон прогонот на претседателот на управниот одбор С.Д., членот на Управниот одбор Т.Д. и С.Р. , како и против претседателот на Надзорниот одбор П.М. Воедно со предлогот за приклучување се предлага и кривично гонење на двајца акционери на „Скопски пазар“ Т.Д. и Ј.Ј. кој порано бил член на Управниот одбор.

Во даденото образложение кон предлог-одлуката пишува дека постои основа за сомневање дека сториле продолжено кривично дело злоупотеба на службена положба и овластувања

Основното јавно обвинителство лани во јануари подигнало обвинителен акт пред Основниот суд 1 во Скопје против акционери во „Скопски пазар“ делод кои се и актуелни членови на органите на надзор и на управување со друштвото. Според, неофицијални информации, деновиве Основниот суд го прифатил обвинителниот акт што значи дека, ако е така, ќе биде започнат судски процес.

Токму од тие причини најголемиот поединечен акционер „Современ дом“ предлага и „Скопски пазар“ да се приклучи кон кривичното гонење како оштетена страна и да бара надоместок на штета односно одземање на противправна имотна корист стекната како последица на нивните дејства. Повеќе детали може да се најдат на следниот линк на официјалната интернет страница на „Скопски пазар“. 

„Современ дом“ воедно предлага и мнозинството од членовите на управниот одбор при вклучувањето на точката на дневен ред на собранието да не можат да гласаат членовите на управниот одбор туку акционерското собрание. Тука овој акционер се повикува на член 399 став 1 од Законот за трговски друштва барајќи за оваа точка да не можат да гласаат засегнатите акционери С.Д., Т.Д, Т.Д, Б.С., С.Р. и П.М кои заедно поседуваат повеќе од 25 отсто од гласовите на акционерското собрание.

Каков ќе биде исходот од овие предлози останува да се види на акционерското собрание закажано за 11 јуни годинава односно идниот понеделник.