Ќе го добијат ли демонстрантите во БиХ она што го посакуваат

Добивај вести на Viber

Држава со тоталитарно минато, со нестабилна сегашност и нејасна иднина. Протестите од последните недели во Босна првично беа иницирани од работници, кои биле отпуштени при затворањето на државни компании, кои биле распродадени по приватизацијата. Кон демонстрациите се приклучија многу невработени и младинци. Невработеноста во Босна е највисока на Балканот и надминува импресивни 27%. Според граѓаните токму владата ги оставила луѓето без пензии, работа и здравствено осигурување, ги продала државните средства за пени. Стотици луѓе во главниот град Сараево, Бихаќ и Мостар исто така излегоа на протести во знак на солидарност. Во Сараево, исто така дојде до судири со полицијата, при што демонстрантите го блокираа сообраќајот во центарот на главниот град. Со протестите граѓанското општество на Балканот покажа дека нема да продолжи да им овозможува на властите да ги манипулира и користи, за сметка на економскиот и социјалниот просперитет на земјите. Прашањето е кога ќе се видат вистинските резултати и дали навистина луѓето на полуостровот ќе го добијат сонуваниот живот?   К.К.