ЌЕ ПОПУШТИ ЛИ ВМРО ДПМНЕ ИЛИ ЌЕ ВЛЕЗЕМЕ ВО ПОЛИТИЧКА КРИЗА: Ситно се брои за Законот за ЈО

Добивај вести на Viber

Се ближи рокот за изгласување на законот за јавно обвинителство кој заглави меѓу партиските натегања.

Опозициската ВМРО ДПМНЕ последно бараше шест експерти да го состават предлог-законското решение за Јавното обвинителство.

Две професорски имиња се Гордана Силјановска Давкова и Татјана Каракамишева, а другите кои ги предложи Христијан Мицковски се Владо Камбовски, Никола Тупанчевски, Гордан Калајџиев и Гордана Лажетиќ.

Опонентот на Заев бара текстот да биде напишан токму од тие експерти а не од политичарите.

Од друга страна, лидерот на владечката СДСМ вели дека нема распуштање на Собранието додека не се донесат реформските закони меѓу кои и тој за Јавното обвинителство.

- Законот за мене е многу важно да се гласа во Парламентот, а тој може да се донесе и да не се донесе - друга опција нема. Ако се обидува опозицијата да го минира, да го блокира на било кој начин неговото донесување, односно гласање, тогаш нормално дека Парламентот нема да се распушти се додека не заврши процесот на изјаснување за Законот за јавно обвинителство, како и протоколот за НАТО, или Законот за одбраната, или сличните закони, рече Заев .

За Талат Џафери нема време за плус 15 дена

Претседателот на Собранието, Талат Џафери, вели дека не е можно да се обезбедат дополнителни 15 дена пред распуштањето на законодавниот дом и истовремено да не се промени датумот за предвремените праламентарни избори како што најави претседателот на СДСМ, Зоран Заев.

Вицепремиерот Бујар Османи пак во утринското интервју за МИА вели дека потребата за донесување е повеќе останата во перцепцијата на некои земји членки како важен критериум за донесување одлука за започнување на преговорите и покрај тоа што велам дека суштинските прашања на законот се веќе третирани на поинаков начин. 

„Предметите се преземени, архивата, вработените. Меѓутоа, заради тоа што и перцепцијата е важна во политиката, затоа правиме напори да најдеме консензус и да го донесеме законот. Консензусот е важен и заради тоа што би испратиле порака дека кога се однесува за борбата против корупцијата сите политички партии сме „за“. Веројатно има и обиди и да се обезбедат 80 пратеници надвор од партиските ставови, односно да се види ставот на пратениците, така што има уште три дена да се направи тој обид да се види дали има 80 пратеници да се обезбедат за законот за јавно обвинителство“, вели Османи. 

Овие три дена ќе бидат клучни за донесувањето на Законот, во спротивно е можно земјава да влезе во нова политичка криза. Што ќе се случува останува да видиме до вторник .