Ангелов: Ќе се утврдува кои здравствени објекти би биле обезбедувани од војниците, но нема да се шетаат луѓе со оружје по улиците
Објавено во: Македонија 21 Ноември, 2020
Главниот штаб за управување со кризи, по тричасовно заседавање, ја изработи првата нацрт верзија на Акцискиот план за превенција кој содржи 17 точки. Акцискиот план е усвоен.
„Граѓаните треба да знаат дека ништо нема драстично да се смени во државата“, рече Стојанче Ангелов, раководител Главниот Штаб за управување со кризната состојба.
„Ќе побараме од Советот на невладини организации да се приклучи и нивен член“, дополни тој.
На состанокот на кризниот штаб била разгледана потребата од учество на Армијата, за што дополнително ќе бидат утврдени здравствените објекти, што ќе треба да бидат обезбедувани од војниците.
„Доколку се јави потреба од обезбедување поголем број сили за обезбедување, а МВР ги нема истите, ние можеме да побараме од АРМ, да испратат повеќе луѓе за обезбедување. Но, пртоа тоа нема да бидат луже кои со оружје ќе се шетат по улица. Во земјава нема војна. Се обидуваме да одговориме на ковид кризата со најминимални средства“, рече Ангелов.
„Не можеме да определиме точна бројка, бидејќи треба да ги знаеме здравствените установи. Инаку, и пред неколку недели и месеци имавме успешен одговор на кризата. Минатиот пат беше воведена вонредна состојба, зашто немаше Собрание. Сега нема потреба од вонредна состојба, туку кризна состојба , а алатките што ги има Владата се слични како во вонредна состојба“, објасни Ангелов.