КЛУЧ НА ВРАТИ: Зошто оваа соседна земја реши да ги затвори обложувалниците и електронските казина
Објавено во: Балкан 03 Јануари, 2019
И официјално во соседна Албанија стапува на сила законот со кој се става клуч на врата на обложувалниците и електронските казина.
Ова го одлучи владата во Тирана, чија одлука е вградена во дополнувањата на Законот за игри на среќа во таа земја во средината на октомври.
Исто така, како се наведува, се затвораат сите електронски казина, кои сега ги има во главните улици во градовите во Албанија а ќе бидат достапни само во хотелите со пет ѕвезди, кои се наоѓаат надвор од урбаните подрачја, пренесе Ал Џезеира.
Албанскиот премиер Еди Рама им упатил порака на членовите на Парламентарниот одбор за економија, каде наведува дека обложувалниците ќе бидат затворени на 31 декември и дека нема да бидат „онлајн монопол“.
„Почнаа да стигнуваат реки од пораки на мобилниот телефон против затворањето на обложувалниците. Тоа е оркестрирано од затворите и од оние кои се кријат зад компаниите, па немојте да паничите, и да ги слушате клеветите за „онлајн монопол“, бидејќи нема да има никаков монопол“, вели Рама.