Книгата „Мојата борба“ на Хитлер се враќа во книжарниците низ Германија

Добивај вести на Viber

Книгата на Адолф Хитлер „Мојата борба“ ќе се појави повторно во германските книжарници - 70 години по крајот на Втората светска војна и поразот на нацистичка Германија. Книгата ќе излезе следниот месец на пазарот во нова форма, со забелешки.

Критичкиот коментар е плод на неколку години напорна работа. Плановите за повторно издавање на книгата предизвикаа контроверзии и критики, претежно од еврејските организации во Германија, според кои таа е опасна.

Историчарите, сепак, се со мислење дека новото издание може да ја пополни „празнината“ во познавањето на Германците за овие години и да даде одговор на многу прашања.

Авторските права на „Мојата борба“ истекле и таа повторно ќе може да биде купена од книжарите.

Делото на Хитлер било издадено во текот на годините во неколку други земји, вклучувајќи ја и  САД.

Откако нацистите дојдоа на власт во 1933 година, милиони копии се испечатени во Германија.

Директорот на Институтот за современа историја во Минхен, Андреас Виршинг е со мислење дека книгата не смее да биде проценувана како историски извор, бидејќи таа може да е клучот за разбирањето на нацистичката идеологија.