КОБЕН 13 ФЕВРУАРИ: Поради Мифтари не почна судењето за страшната несреќа кај Ласкарци
Објавено во: Македонија 16 Септември, 2019
Тринаесети февруари ќе остане врежан во главите на многумина, а посебно во срцата на семејствата на загинатите кога автобус на компанијата Дурмо турс излета од патот .
Со смрт завршија животите на 16 лица меѓу кои имаше многу млади. Се враќаа од главниот град дома.
Неодамна почна судењето за несреќата кај селото Ласкарци, а денешното рочиште е презакажано за 15 октомври поради здравствени причини на еден од обвинетите.
Како што се наведува се работи за шефот на возниот парк на Дурмо турс Рамзи Мифтар кој денес требало да се оперира.
Обвинителниот акт од страна на Јавното обвинителство пред еден месец беше целосно прифатен од страна на Кривичниот суд против шестемина обвинети кои се однесувале неодговорно пред да се случи трагедијата на патот Тетово - Скопје.
Основното јавно обвинителство на 1 јули поднесе шест обвиненија поврзани со обвинети од „Дурмо турс“. Уште од 2 јули минатата година сопственикот на претпријатието и шефот, кој патем не поседувал сертификат за професионална компетентност во патниот сообраќај, не го почитувале безбедносниот протокол пред да се преврти автобусот на 13 февруари 2019 и се обвинети за тешки дела против безбедноста на луѓето и имотот во сообраќајот