Koѕијас убедува дека решавањето на името е во нивни интерес
Објавено во: Балкан 29 Мај, 2018
Грчкиот шеф на дипломатијата, Никос Коѕијас, по средбите во Берлин изјави дека постигнувањето договор за името со Македонија е прашање коешто е од национален интерес на Грција.
„Договор ќе биде постигнат бидејќи земјата сака да се приклучи кон ЕУ и НАТО што ние го поддржуваме и е во наш интерес“- рече Коѕијас.
Тој не откри повеќе околу рамката за решението на спорот, повторувајќи го веќе кажаното дека неговата и задачата на министерот за надворешни работи на Македонија, Никола Димитров, е завршена и дека во последната етапа ќе преговараат премиерите на двете земји, кога ќе се расчистат техничките и правните аспекти на договорот.
Решението што ќе се постигне треба да биде добро решение, бидејќи, во спротивно, ние како влада одново ќе преговараме, вели одговорниот за надворешна политика во грчката опозициска партија Нова демократија, Јоргос Кумуцакос.