Кое е лицето кое е убиено во Мала Речица?

Добивај вести на Viber

Едно лице загина, а двајца се повредени. 

Наип Реџепи од Куманово е лицето кое вечерва во Малата Речица е убиено, неофицијално информира весникот на албански јазик КОХА, а рането било уште едно лице исто така од Куманово.

Според она што е досега познато, непознати лица кои биле во два различни автомобили, застанале на улица и почнале пресметка со огнено оружје. Весникот пишува дека жртвите биле застрелани на излегување од штабот на ДУИ. Тие се упатиле кон главниот пат каде што настанало и убиството на кое му претходела групна тепачка во која според информациите на весникот се користеле и ножеви. 

Ситуацијата ексалирала кога учесниците во инидентот посегнале по оружјето. Според Коха засега не се знае точниот број на повредени. Неофицијалните извори на весникот велат дека судирот бил помеѓу две ривалски политички групи од Куманово. Директорот на болницата во Тетово, Флорим Бесими, за Portalb.mk потврди дека во денешниот настан во тетовска Мала Речица, кај седиштето на ДУИ, има тројца ранети. 

Се чека официјална потврда од МВР.