Кое е македонското бизнис чудо? Не произведе речиси ништо, а наплати 8 милиони евра
Објавено во: Економија 26 Мај, 2022 07:24
Финансискиот резултат за 2021 година на македонската термоцентрала која троши мазут ТЕЦ Неготино може да се опише најсликовите преку синтагмата „враќање на отпишаните„! Зошто? Затоа што за цела година само еднаш се загреа и тоа на средината на декември, кога од немајкаде во крајна нужда Владата даде зелено светло за активирање на оваа „заспана убавица“. И види чудо, постројката која работи за да не работи, успеа да заврши со добивка од 418.000 евра и тоа на приход од 8 милиони евра
Единствената домашна мазутара која произведува струја, ТЕЦ Неготино, имаше фантастична година. Во време на најкризната енергетска година оваа компанија „без да се загрее“ оствари приход од 8 милиони евра и, верувале или не, успеа да заврши со добивка од 418.000 евра, покажуваат податоци достапни во базата на Централниот регистар.
Ладната резерва на македонското електростопанство која беше изградена да се чува за „не дај Боже“ затоа што производната цена и е “да чува Господ“ лани имаше толку успешна деловна година каква што немала во својата четириесет годишна историја. Оваа компанија е всушност централа која произведува струја од мазут и досега низ годините наназад таа беше тотално нерентабилна и неконкурентна. Еве крунски доказ како енергетската криза ја преврте на глава целата економија. Дојде време ТЕЦ Неготино без ималку работа да направи профит од 410.000 евра, а да добие 8 милиони евра.
ТЕЦ Неготино е најмaлата и најмалку користена термоцентрала во Македонија. Според официјални достапни податоци од 1995 година до 2008 година произвела вкупно 1.385 гигаватчасови струја (за да биде појасно тоа е количина што само еден блок на РЕК во добрите денови ја произведувал за само една година). Последната година во која ТЕЦ Неготино работи на потребите на електроенергетскиот систем е 2008 година кога е ангажиран во месеците јануари и февруари.
Повеќе за оваа уникатна македонска енергетска „сага“ може да прочитате на следниот линк Враќање на отпишаните: Kако ТЕЦ „Неготино“ од ладна резерва стана златна резерва?
Р.Ф.Можеби ќе ве интересира
ТРЕНДАФИЛОВ ИСПРАТИ ПОРАКА АКО НЕ СЕ ЗГОЛЕМАТ ПЛАТИТЕ: Се гледаме на улица
ДИ ВЕНС ГИ ОБЈАСНИ ЦАРИНИТЕ: Се задолжуваме кај кинеските земјоделци за да го купиме она што истите тие фармери го произведуваат
ФРАНЦИЈА СЕ ЈАВИ СО РЕАКЦИЈА: Американските царини се економска катастрофа за Европа
УЈП: Апел за обнова на кодовите за идентификација за поднесување на МПИН пресметки
Се огласи Владата по зголемените царински тарифи: Очекувавме ваков потег од САД
ПРЕТСЕДАТЕЛОТ НА СТОПАНСКАТА КОМОРА БРАНКО АЗЕСКИ ВО „БИЗНИС-КЛУБ“: „НЕ СОЗДАДОВ КОМОРА СО 5 ЅВЕЗДИ, НО ОСТВАРИВ 5 ЅВЕЗДИ ВО СОЗДАВАЊЕТО СТРУЧЕН ЧОВЕЧКИ КАДАР“
ЗОШТО ПАНИКА ЗА ЦАРИНИТЕ? И ОНАКА НАШИТЕ БИЗНИСМЕНИ ШТО ИЗВЕЗУВАА ТАМУ, ВЕЌЕ СЕ НА ЦРНА ЛИСТА: Салиу со коментар
ШТО КАЖУВА СТАТИСТИКАТА ЗА НАШАТА ТРГОВСКА РАЗМЕНА СО САД - извозот сѐ досега бил помал од увозот, ама постојано се зголемувал
