Кого обвини Насер Селмани за медиумски рекет поврзан со референдумот?
Објавено во: Македонија 14 Август, 2018
Претседателот на Здружението на новинари, Насер Селмани, на својот Фејсбук профил го обвини главниот уредник на Телма, Атанас Кировски, за медиумски рекет.
Според него, Атанас Кировски поранешен новинар и директор на Телма телевизија, јавно потврдил дека националните телевизии се пропаганден сервис на секоја власт.
„Денеска и сугерира на Владата да им дале пари за медиумска пропаганда инаку ќе им пропаднел референдумот. Ова со други зборови се вика медиумски рекет, дајте ни пари ако сакате да ви успее референдумот! А јавниот интерес каде остана?! Овие медиуми беа и останаа најсилен столб на заробената држава затоа што освен служење на партиски и политички интереси, друго не знаат да работат. Не знаат да водат медиумски бизнис во капиталистичко општество, за нив времето запрело во Сојузот на комунисти! Мил мој Саки, референдумот нема да пропадне поради немање на медиумска пропаганда, туку може да пропадне поради немање јасна стратегија од Владата како да им објасни на граѓаните зошто треба да го поддржат договорот со Грција. Кировски лаже кога тврди дека само 15 посто од граѓаните се информирале од социјални мрежи. Истражување на мислењето на публиката од АВМУ во декември 2017 покажува дека 54 посто од граѓаните надневна основа се информираат од интернет, а 60 посто од телевизиите. Саки, читај малку, информирај се!“- пишува Селмани.
На овие обвинувања Кировски одговори на профилот на Селмани.