Што го набилда: Во второто тромесечје раст на БДП од над три проценти

Добивај вести на Viber

Стапката на раст на БДП во вториот квартал годинава е 3,1 процент, објави Државниот завод за статистика. 

Според податоците во второто тримесечје од 2018 година, најголем пораст е забележан во секторите „Уметност, забава и рекреација“, „Други услужни дејности“, „Дејности на домаќинствата како работодавачи; дејности на домаќинствата кои произведуваат разновидна стока и вршат различни услуги за сопствени потреби од дури 13, 9 проценти, додека раст од 12, 7 отсто има кај Трговија на големо и трговија на мало; поправка на моторни возила и мотоцикли; Транспорт и складирање; Објекти за сместување и сервисни дејности со храна. 

„Финалната потрошувачка на домаќинствата, вклучувајќи ги непрофитните институции кои им служат на домаќинствата, во второто тримесечје од 2018 година, номинално расте за 3,2 проценти, а нејзиното учество во структурата на брутодомашниот производ изнесува 69,6 проценти, стои во соопштението. 

Во вториот квартал извозот на стоки и на услуги номинално се зголемил за 13 отсто, а увозот на стоки и на услуги забележа зголемување во номинален износ од 6,6 проценти.

Инаку во првиот квартал годинава растот на БДП беше само 0,1 отсто.