Кој ќе го лапа главниот конкурент на струмички „Глобал“?
Објавено во: Економија 20 Декември, 2018
Двајца струмичани најавија дека ќе дадат јавна понуда за превземање на „Нова стоковна куќа“ компанија што издава деловен простор во Струмица. Ќе дојде ли и друга намера за превземање за компанијата чија акција се тргува на пазар по цена од 1.000 евра
Струмичаните Ристо Масев и Васил Георгиев, акционери во струмичка „Нова стоковна куќа“ најавија дека имаат намера да дадат јавна понуда за сите акции на оваа компанија, објавено е на интернет страницата на Македонската берза за хартии од вредност. Со овој потег овие две физички лица од Струмица влегоа во македонската корпоративна историја како домашни физички лица кои, се први годинава, кои најавиле дека планираат да ги исплатат сите други акционери во таа струмиќка компанија која е специјализирана за издавање деловен простор.
Засега не се знае колку пари ќе депонираат во ЦДХВ затоа што не знаеме која ќе биде цената по која ќе се обидат да ги откупат сите слободни акции. Масец и Георгиев имаат по 12,5 отсто од акциите со право на глас во оваа струмичка компанија која издава деловен простор. Како ќе реагираат другите крупни акционери ќе видиме. Тука се двете домашни компании, ЕЛ –ЕН Солушнс Скопје – најголем поединечен акционер кој има 24,8 отсто од акциите и „Фико Пласт“ кој поседува 12,65 отсто од акциите со право на глас. Во структурата има уште еден мал акционер Славе Перов кој поседува 5,9 отсто од акциите. Во сопствен откуп се 22,26 отсто од акциите на компанијата и тие нема да бидат предмет на превземање. Уште 9,4 отсто од акциите се кај 8 домашни физички лица.
Што е Нова стоковна куќа Струмица
Оваа срумичка компанија има вкупно 1.249 акции со право на глас од кои 22,26 отсто се стерилни зашто се во сопственост на фирмата. Оваа компанија располага со речиси 4.000 квадратни метри објект , простор што се издава како деловен и уште 1.305 квадратни метри дворно место. За првите девет месеци годинава компанијата од закуп има инкасирано 167.600 евра, а добивката за овој период е 125.200 евра.
Последната пазарна цена на акцијата постигната во септември годинава е 1.000 евра колку што изнесува и книговодствената вредност на акцијата. Главнината на компанијата е 1,22 милиони евра, обврските на крај на 2017 година биле 322.000 евра. Компанијата книжела загуба во мали износи за последните три години.
Р.Ф.