Кој ќе ја реши судбината на СЈО?

Добивај вести на Viber

Новиот предлог-закон со кој се регулира работата на Специјалното јавно обвинителство помина во Владата. Сега  текстот треба да се достави до Собранието. 

Премиерот Зоран Заев повторно треба да обезбеди 2/3 мнозинство, за законот кој, како што вели е еден од последните услови кои ЕУ очекува да ги исполни Северна Македонија.

Заев изјави дека следните денови ќе разговараат со опозициските партии со цел да добие нивна поддршка за новиот закон.

СЈО станува дел од јавното обвинителството – тоа е една од главните точки на законското решение кое како предлог помина на владина седница. Така се обезбедува натамошно функционирање на институцијата која во изминатите години процесираше низа предмети поврзани со незаконски дејства што произлегоа од нелегално прислушуваните разговори.

Предлогот предвидува специјалниот јавен обвинител да му одговара на јавниот обвинител, но притоа не загрозувајќи ја неговата автономија. 

СЈО останува нaдлежно да постапува за кривичните дела кои се поврзани и кои произлегуваат од неовластеното следење на комуникациите за периодот од 2008 до 2015 година за кои се поднесени обвиненија или отворени истраги, како и за превземените предмети за кои е воспоставена надлежност. 

ВМРО ДПМНЕ бара лидерска средба за новиот закон за јавно обвинителство со кој СЈО станува дел од оваа институција.