Споровите продолжуваат: Која држава ќе ги земе автомобилите на Тито?!

Добивај вести на Viber

15 автомобили на Тито останаа во Љубљана, наследството на Тито за кое се спорат поранешните југословенски републики и кое понатаму предизвикува несогласувања. Така, освен недвижнините кои се предмет на сукцесија, зпорен за некогашните републики од Југославија е и останатиот имот. Па Србија и Словенија имаат проблем со тоа на која земја да и припадне Ролс Ројс, со кој порано се возеше југословенскиот и египетскиот претседател, Тито и Насер. Автомобилот е изложен во Љубљана, со уште 13 возила кои Тито ги користел, објави Ал Џезеира. Според Орест Јарх, директор на Техничкиот музеј на Словенија кде се изложени титовите автомобилит, тие останале во Љубљана откако во 1991 година биле позајмени од Белград, но поради распадот на Југославија потоа не биле вратени назад. Пакардот од 1945 година кој Сталин му го подарил на Тито, блиндиран Мерцедес купен од 1939 година, но и блиндиран ЗИС подарок од Хрушчов се излжени во Словенија, но Србија сега ги бара назад. „Автомобилите отидоа на реверс и тоа сите го знаат, па ако гледаме правилно, основна работа е дека тоа е предмет на сукцесија. Ако е предмет на сукцесија, да ја пресметаме нивната вредност “, смета Оливер Антиќ, српски претставник во Комисијата за сукцесија на имотот на поранешна СФРЈ. Во Белград останал еден автомобил, Кадилак набавен специјално за маршалот во Музејот за автомобили на Братислав Петковиќ . „Од надомест за автомобилите или нивно враќање во Србија, Белград нема да се откаже. Оливер Антиќ вели дека во досегашниот тек на сукцесијата Србија е оштетена и дека тоа повеќе нема да го дозволи“, вели Петковиќ. Делегацијата на Србија е подготвена да разговара и на таа тема. Наведе дека таа може да биде покрената на следниот состанок на комисијата, која ќе се одржи во декември во Сараево, посочуваат од Ал Џезеира.