Која е иднината на интернет рекламирањето?

Добивај вести на Viber

Интернет огласувањето во светски рамки доживува се поголем раст. Според последните истражувања на ZenithOptmedia - “Advertising Expenditure Forecasts”, се очекува глобалниот рекламен пазар да порасне за 5,3% оваа година, достигнувајќи сума од 523 милијарди долари. Интернет адвертајзингот е најбрзо растечкиот сектор и носител на вкупниот раст оваа година со 17,1%, што е резултат на се подобрата технологија за дигитално рекламирање која го чини овој тип на маркетинг поевтин и поефективен. Новите технологии ги унапредуваат повеќето области на интернет рекламирањето. Рекламните формати т.н “Rising stars” идентификувани од IAB (Internet Advertising Bureau), овозможуваат дисплеј (банер) рекламирањето да биде поинтерактивно и порелевантно за корисниците. Се очекува традиционалното дисплеј интернет рекламирање да расте со просечна стапка од 15,8% годишно во периодот од 2014 до 2016. Дисплеј рекламирањето на социјалните медиуми пак, ќе расте со многу поголема стапка, просечно годишно по 29,9% во следните 3 години. Ова се должи на се поголемиот број на можности за таргетирање на социјалните медиуми, што го чини овој тип на рекламирање атрактивен за маркетинг агенциите и огласувачите. Видео рекламите на интернет (online video) добиваат широка употреба и веќе може да се конзумираат и преку смартфони, таблети, конзоли и смарт телевизори, што им овозможува на огласувачите широк спектар на нови можности за поврзување со потрошувачите. Овој тип на рекламирање се покажа како многу ефективен изминатите години па затоа и се очекува растот на истиот да продолжи со просечно 24,2% годишно во следните 3 години. Search Engine Marketing (paid search) е сегмент од онлајн огласувањето кој се очекува да го продолжи континуираниот раст од 14% годишно. Со адаптацијата на дел од алатките кои се користат во дисплеј рекламирањето, SEM им дава на огласувачите поголема контрола во однос на тоа каде, како и кому огласите ќе се пласираат. Можноста за ретаргетирање (пласирање на реклами само на корисници кои веќе го посетиле сајтот/страната на клиентот) го чини овој канал особено атрактивен за рекламирање. ZenithOptimedia предвидува дека во светски рамки интернет огласувањето оваа година ќе учествува со 23,6% во глобалната рекламна потрошувачка, надминувајќи ги за прв пат во историјата печатените медиуми кои ќе имаат 22,7% удел во вкупните рекламни трошоци. Со ова и дефинитивно може да се каже дека во светски рамки интернет рекламирањето ги надмина печатените медиуми. Доклку растот на интернет маркетингот се анализира по уреди (devices), тогаш мобилното рекламирање е убедливо најбрзо растечки сегмент на интернет. Мобилното огласување вклучува реклами кои се прикажуваат на мобилни уреди (смартфони и таблети) без разлика дали истите се “display” (банер) реклами, “search/classified ads” или “in-app ads” (реклами што се појавуваат при користење на различни апликации). Оваа година се очекува мобилното огласување на светско ниво да порасне за 67%, односно за седум пати побрзо од десктоп огласувањето. Со тоа мобилниот адвертајзинг ќе има достигне удел од 20% во вкупниот интернет рекламен колач. До 2015 овој удел се предвидува дека ќе порасне на 25%, а во 2016 дури на 30%. Мобилното рекламирање е најголем контрибутор во глобалниот раст на огласувањето. Во следните години мобилното огласување ќе придонесува дури со 42% во дополнителниот глобален буџет за огласување. Анализирано по региони, предвидувањата за следните неколку години се дека огласувањето во Еврозоната ќе го задржи растот од 0,9%. Поради конфликтите во Украина се очекува овој пазар да се намали за 32,5% а Рускиот рекламен пазар ќе има раст од само 1,7% годинава, наместо предвидените (пред конфликтот) 6,9%. Колку Македонија ги следи овие трендови? Ненад Ристовски