Колевски му порача на Димовски да не ја расипува истрагата за „Рекет“
Објавено во: Македонија 04 Септември, 2019
Ацо Колевски, новопоставениот претседател на Советот на јавни обвинители преку медиумите му порача на пратеникот Илија Димовски, претседател на собраниската Комисија за именување, дека евентуалната седница за разрешување на специјалната обвинителка Катица Јанева може да влијае негативно на истрагата за случајот „Рекет“ доколку истата се одвива како отворена за јавноста.
Колевски за ТВ21 потврди дека собраниската Комисијата за именување може да гласа за истата да се одвива како отворена за јавноста, но дека принципиелно е за тоа во моментов да одлучува Советот на јавни обвинители затоа што се работи за истрага која е се уште во тек од страна на Јавното обвинителство за гонење на организиран криминал и дека материјалот е доверлив.
Димовски вчера на прес-конференција објави дека најпрво ќе побара од Советот на јавни обвинители да го декласифицира извештајот за разрешување на Јанева иако истиот има сензитивна содржина, а Колевски потврди дека ќе свика седница за обвинителите да го разгледаат предлогот.
„Откако ќе го добиеме барањето од претседателот на собраниската комисија за избори и именувања, советот ќе одржи седница на која ќе се разгледа предлогот за декласификација. Сепак собраниската комисијата сама одлучува дали седницата ќе биде јавна“, изјави Колевски за Сител.
Димовски својата седница ја закажа за утре, а од 13 членови-пратеници на истата, за отфрлање на класифицираниот материјал потребно е одобрување од двотретинско мнозинство, односно да гласаат девет од нив. Пратеникот на ВМРО-ДПМНЕ рече дека Советот на јавни обвинители кога го испратил извештајот во СОбранието ден потоа назначил дека материјалот е класифициран.
Откако Комисијата ќе одлучи, истата одлука предложува за гласање на пленарна седница и потребни се барем 80 гласа од можни 120 во Собранието за разрешување на Јанева, вклучувајќи и Бандентерово мнозинство.