Колкави казни добија турските пучисти кои со хеликоптер избегаа во Грција?
Објавено во: Балкан 21 Јули, 2016
Судот во Александрополис на 8-те турски војници, кои пристигнаа во Грција со хеликоптер по неуспешниот обид за преврат им изрече по два месеци условни казни за незаконско влегување во земјата.
Тие се ослободени за нелегалниот лет, затоа што животот им бил во опасност. Турските војници, сепак, нема да бидат ослободени поради безбедносни причини. Тие се задржани во притвор додека не се одлучи по нивните молби за добивање азил.
Турскиот хеликоптер „блек хоук“ во саботата слета во Александрополис, на североистокот на Грција, откако побара дозвола за принудно слетување. Пилотите и техничарите тврдат дека биле членови на екипажот на три хеликоптера и дека не знаеле дека е во тек обид за државен удар. Требало да ги превезат ранетите војници и цивили, но полицијата пукала кон нив. Кога слетале близу болницата повторно во нив било пукано и им било речено да не се враќаат во базата бидејќи ситуацијата е опасна. Турците кажале дека откако преку интернет дознале дека имало обид за пуч и дека се апсат сите што се во униформи, размислувале дали да бегаат во Бугарија или Романија, но се одлучиле за Грција.