Колку борци од поранешна СФРЈ се во редовите на ИСИС и ќе се вратат назад?
Објавено во: Балкан 23 Февруари, 2019
Oд повеќе балкански земји луѓе заминале да се борат во редовите на ИСИС.
Во редовите на џихадистичката група Исламска држава (ИД) во Сирија и Ирак се бореа и околу 100 лица по потекло од државите од поранешна СФР Југославија, вели професорот од белградскиот Факултет за безбедност, Дарко Трифуновиќ
„На страната на џихадистите се бореа околу 100 лица по потекло од Србија, Косово, Босна и Хрецеговина и Македонија. Сите тие прво отишле во Германија и Франција, па од таму заминале за Блискиот Исток“, изјави Трифуновиќ за телевизијата Прва.
Сега по разбивањето на ИД, тие веројатно ќе бараат начин да се вратат во своите родни краишта и никој не ќе може да го спречи тоа.
Според него, на властите од земјите од регионот ќе им биде тешко да докажат дека некои од овие повратници се бореле во редовите на ИД во Сирија и Ирак.