КОЛКУ ТРИ АТОМСКИ БОМБИ: Толку бил силен земјотресот во Албанија
Објавено во: Балкан 26 Ноември, 2019
Земјотресот во Албанија бил со моќност колку и експлозија од 60.000 тони ТНТ.
Тоа е еднакво на три атомски бомби, објави порталот Сот Њуз.
Во земјата денеска се регистрирани неколку земјотреси. Најсилниот беше со интензитет од 6,4, а последниот евидентиран е по 14 часот, со јачина од 5 степени, а во меѓувреме се регистрирани дури 40 земјотреси.
16 луѓе загинаа, а меѓу нив се две деца. Во последните 10 часа се спасени 42-ца луѓе.
Серијата земјотреси се почувствувани во Македонија, Србија, Црна Гора и Грција.
Националното знаме на Албанија во институциите на претседателот Илир Мете беше спуштено на половина копје во чест на жртвите од денешниот земјотрес што ја погоди земјата, јавуваат албанските медиуми.
Мета објави видео во кое знамето е спуштено на половина копјe.
Покрај видеото тој напиша порака: „Во чест на животите изгубени во оваа голема катастрофа за нашата земја“.
Во Македонија, Општина Тетово одлучи да прогласи денови на жалост, како и да одвои средства за помош на погодените подрачја во Албанија.