КОЛКУМИНА ОД ВАС БИ ГО НАПРАВИЛЕ ИСТОТО: Парите од свадбата млади Струмичани ги даруваат за Никола да оздрави
Објавено во: Стил 03 Ноември, 2018
Живе Коцев и Марија Кармазова се млад брачен пар кој несебично одлучи да ги дарува парите од својата свадбена веселба. Целта на донацијата е оздравување на нивниот сограѓанин Никола Новоселски, пренесе ,,Струмица денес”. Нивниот гест е навистина за поздравување а кога сите би биле како нив светот би бил поубаво место за живеење.
„Фала од срце за донацијата од вашата свадбена веселба која лично ја донесовте. Да сте живи и здрави и среќен брак“ – напиша мајката на Никола.
Никола Новоселски од с. Муртино-Струмица пред неколку години доживеа тешка сообраќајна несреќа од која сe’уште се опоравува по тешките телесни повреди.
Никола уште е во коматозна состојба, не може да се движи ниту пак да зборува. Неговото семејство води секојдневна макотрпна борба за да му обезбедат соодветна нега и лекување во домашни услови и на свој трошок.
Можеби ќе ве интересира
Мемедоски е македонскиот претставник на „Светскиот избор за Мис и Мистер за глуви“ во Прага: Бог ме направил различен од другите, но ми подарил повеќе таленти
