22 Септември, 2019
0.0368

КОМПЛИЦИРАНА СИТУАЦИЈА: „Рекет“ останува камен на сопнување за новиот закон за ЈО

Објавено во: Македонија 12 Септември, 2019

Ништо не бидна од договорот на двајцата опоненти Заев и Мицкоски.

Состанокот на кој требаше да се усогласи новиот Закон за јавно обвинителство и идниот статус на СЈО заврши безуспешно.

Не успеаа да најдат решение за клучните разидувања околу СЈО и Законот за ЈО.

Лидерот на опозицијата го обвини премиерот Заев дека неговиот план бил да не се постигне договор.

-Тој сака контрола на обвинителствата, а тоа го бара за да не одговара за аферата „Рекет“. Ете,затоа, немаме договор“ - изјави Мицкоски . 

Премиерот Заев пак изјави дека тој мисли дека Рекет води директно до лидерот на ВМРО ДПМНЕ.

Власта и опозицијата веќе подолго време се обидуваат да се договорат за новиот Закон за јавно обвинителство, со кој би требало да се разреши и идниот статус на СЈО, формирано во 2015 година за процесуирање на прислушуваните разговори од времето на владеењето на Никола Груевски.

„СДСМ си го бранеше сопствениот криминал, ВМРО си го бранеше сопствениот и - не се договорија. Некој е зачуден поради тоа?

Мора промена на изборниот законик, да се отстрани дискриминацијата на граѓанските листи во однос на партиите, и да се направи обид да се разбие 30-годишната клептократија на СДСМ-ДПМНЕ“, напиша Здравко Савески на Фејсбук коментирајќи ја лидерската средба.

Ситуацијата се искомплицира кога италијанскиот весник Ла Верита објави „бомби“ за аферата Рекет за изнуда на пари, во која сега е осомничена и притворена и шефицата на СЈО Катица Јанева.

Опозицијата ја обвинува власта дека го одолговлекува случајот Рекет токму поради вмешаноста на функционери од СДСМ , додека власта смета дека тој случај е доказ за владеење на правото во земјава и дека никој не е над законите.

Имено, вчера Катица Јанева се спаси од разрешување.  Од опозициските пратеници на седница на Собранието поднесена била предлог точка за разрешување на Јанева. Сепак, овој предлог не поминал со 58 гласови против од страна на владејачкото мнозинство.

Можеби ќе ве интересира

Тешка сообраќајка: Загина жена од Богданци

Тешка сообраќајка: Загина жена од Богданци

Утре нова средба меѓу работните групи на СДСМ и ВМРО-ДПМНЕ за Законот за ЈО

Утре нова средба меѓу работните групи на СДСМ и ВМРО-ДПМНЕ за Законот за ЈО

57 американци како волонтери во Мировен корпус во Македонија

57 американци како волонтери во Мировен корпус во Македонија

ПРОГНОЗА: Денес сонце од утре дожд

ПРОГНОЗА: Денес сонце од утре дожд

Претседателот Пендаровски се откажува од државните привилегии кои му следуваат по истекот на мандатот

Претседателот Пендаровски се откажува од државните привилегии кои му следуваат по истекот на мандатот

ФОКУС НА ДЕНОТ: Три земјотреси ја погодија Албанија - Боки 13 и Катица на распит кај Русковска

ФОКУС НА ДЕНОТ: Три земјотреси ја погодија Албанија - Боки 13 и Катица на распит кај Русковска

КАКО ВАШИОТ НЕДВИЖЕН ИМОТ МОЖЕ ДА СТАНЕ ПРОФИТАБИЛЕН?

КАКО ВАШИОТ НЕДВИЖЕН ИМОТ МОЖЕ ДА СТАНЕ ПРОФИТАБИЛЕН?

Силен земјотрес во Албанија: Се затресе и Македонија

Силен земјотрес во Албанија: Се затресе и Македонија

Шар планина наскоро ќе биде прогласена за Национален парк

Шар планина наскоро ќе биде прогласена за Национален парк