КОНЦЕСИЈА НА 40 ГОДИНИ: Во рацете на Германија отидоа 14 грчки аеродроми
Објавено во: Балкан 15 Декември, 2015
Грција ја финализира приватизацијата на 14 регионални аеродроми во земјата со потпишувањето на договор помеѓу Fraport AG (Фрапорт) и неговиот партнер Kopelouzos Group и државниот фонд за приватизација TAIPED, соопшти весникот "Вима".
Според документот мешаното претпријатие - концесионер ќе управува со работата на 14 аеродроми за 40 години од есента на 2016 година, а тогаш ќе плати 1,2 милијарди евра. Ќе се плаќа и годишна рента од 22.9 милиони евра, како претпријатие ќе направи и инвестиции во вредност од 330 милиони евра до 2020 година.
Во 2014 година, 14-тите аеродроми услужиле 22 милиони туристи, додека оваа година се очекува бројот да надмине 23 милиони евра. Околу 77% од оние што летаат се странци покажуваат податоците на грчките служби.
Три од приватизираните аеродроми се на островите - Солун, Кавала и Актио, додека останатите се на островите - Керкира, Чаниа, Кефалонија, Кос, Митилене, Миконос, Родос, Самос, Санторини, Скиатос и Зикантос.
Веста доаѓа пред грчкиот парламент да гласа за натамошни реформи од листата со мерки договорени со доверителите, како дел од третата спасувачка програма. Проектот беше поднесен во петокот во парламентот и е услов за Деблокирање на помош од 1 милијарда евра, што вклучува реформи во буџетската сфера, здравството и концесии на автопати.