КОШМАР ЗА ЕРДОГАН: Што би било со Турција, ако русите се здружат со Курдите

Добивај вести на Viber

Германскиот весник Дер Тагшпигел го анализира сценариото, што би се случило со Турција, ако Русија ги поддржи Курдите.

Весникот тоа го опишува како „кошмар за Ердоган” затоа што тоа ќе ја примора Турција да води војна на два фронта – дома и во странство.

Турскиот претседател Реџеп Таип Ердоган се повеќе се изолира себеси од другите земји и брзо губи пријатели во интернационалната арена.

Во последните години Анкара ги расипа односите со некогашните сојузници како Израел и Египет и го изгуби влијанието во Средниот Исток и Северна Африка, обиколувајќи се со противници, се вели во написот.

Освен тоа, владините сили жестоко се борат против Курдите во југоисточниот дел на Турција. Воената офанзива одзеде повеќе од 100 цивилни животи, главно жени и деца.

Па така, ако Русија ги помогне Курдите, Анкара би била комплетно вплеткана во конфликти.

Инаку, минатата недела министерот за надворешни работи на Русија Алексеј Мешков изјави дека Курдите не треба да се исклучуваат од преговорите за мировниот процес во Сирија, како и од колективните напори за борба со исламистите и други терористички групи во Сирија и Ирак, каде тие играат важна улога во спречувањето на терористичката закана.