Ковачески: Ќе ве наречам колега Вељаноски, вие сте причина граѓаните да гледаат циркус

Добивај вести на Viber

Веќе петти ден се расправа во Собранието, но засега без епилог и избор на нов спикер. 

Бројни критики имаше за начинот на кој се води седницата, а многу од пратениците рекоа дека се крши Деловникот. 

„Сега ќе ве наречам колега Вељаноски. Вие сте колега Вељаноски главната и основна причина 5 дена граѓаните на Република Македонија во оваа просторија, во храмот на демократијата, во Собранието на Република Македонија да гледаат циркус и рашомонијада. Цели 5 дена од самиот почеток кога продолживме со конститутивната седница и требаше да дискутираме и дебатираме по третата точка од дневниот ред , а тоа е избор на претседател, заменик претседател и членови на Комисијата за прашање од избори и именувања вие дозволивте за дискусија да се пријават 50 луѓе, сите пратеници од средниот ред од ВМРО ДПМНЕ и коалицијата и на сите овие 50 говорници повторно од оваа страна да се пријават по 50 репликанти. Со тоа, директно го загрозивте и го прекршивте членот 90 од Деловникот кој кажува дека говорникот може да говори само по прашања по кои се води претрес“ - рече пратеникот Васко Ковачески од СДСМ. 

Дискутантите кои се од ова страна, овие 50, говорат само во првите десет секунди за точката од дневен пред, а останатото време од 10 минути го трошат за некакви црни сценарија, за поделба на државата, за федерализација, за двојазичност, додаде Ковачески.