КРАТКО ТРАЕШЕ РАДОСТА ЗА ПАРНОТО - вечерва радијаторите се студени, дали со време да почнеме да се навикнуваме
Објавено во: Македонија 15 Октомври, 2022
Точно е дека утрово скопјани се разбудија со топли радијатори, но изгледа радоста кратко траеше, бидејќи по се изгледа дека надлежните само што „го видоа сонцето“, решија да го исклучат системот, па во текот на поголемиот дел од денот парно немаше.
Парно нема ниту вечерва, веројатно споед правилниците кои укажуваат на надворешна температура на која не се пушта топлинско греење.
Инаку, денеска министерот за економија Крешник Бектеши и директорот на електрани на Македонија Васко Ковачевски ја посетија топланата „Исток“ во Скопје, по што ги уверија жителите на главниот град дека ќе има доволно топлинска енергија до крајот на грејната сезона.
Директорот на електрани Васко Ковачевски рече дека енергенсите се обезбедени до крајот на октомври и без разлика дали ќе работи компанијата ТЕ-ТО. Ковачевски смета дека со менаџирање на сите капацитети во државата успешно ќе ја поминеме оваа грејна сезона.
– Топлинска енергија во термоцентралите што ги изнајмуваме од „Адора“ во топлани на „Исток“ и „Запад“. Утрово во 5 часот и 50 минути грејните тела почнаа на температура од 9 степени, работеа до 9 часот и 15 минути кога беше достигната надворешната температура од 12 степени и во овој период беа испорачани 997 мегават часови топлинска енергија, вели директорот на ЕСМ, Васко Ковачевски.