Кризата во Турција нема да остане во Турција: Дали со лирата ќе потоне и нашата економија

Добивај вести на Viber

Работите одат на лошо, кризата во Турција нема да остане само таму. Ваков став имаат повеќе светски аналитичари, а глобално расте конфузијата околу ситуација во Турција. Лирата падно вртоглаво особено по одулката на САД да ги зголеми тарифите во трговската размена со земјата. Регионалните експерти велат дека кризата ограничено може да влијае и во Европа, но и во овој регион. Турција е пред рецесија, а некои познавачи сметаат дека светот е на раб на нова глобална криза. Оваа земја е голем глобален кредитор и всушност најизложени кон ризик ќе бидат земјите кои имаат свој долг кон земјата. Вкупните инвестиции од Турција во земјава изнесуваат 1,8 милијарди долари, а трговската размена меѓу Македонија и Турција изнесува над 400 милиони доалри. Турски капитал има во банкарскиот сектор, но и во повеќе други сектори.

Регионалните експерти велат дека попогодени економии ќе бидат тие кои имаат значајни трговски односи со Турција.

„Влијанието на турската криза врз Европа нема мора да значи дека ќе биде голема, повеќе е ограничено. Се работи за односи меѓу САД и Турција. Но неколку земји кои интензивно тргуваат со Турција како Италија на пример или некои други земји чии банки се изложени кон турските банки може да бидат загрозени, вели Дамир Новотни, економски аналитчар од Хрватска, поранешен советник на ХНБ.

Тој за Нова Тв изјави дека кризата е сериозна затоа што веќе десет години од претхдната финансиска криза во 2008 година, оваа земја не може да заздрави. Турција искористила евтини пари од Америка, приватниот сектор се задолжил па надворешниот долг во кој доминира приватниот сектор премина 250 милијарди долари. Мерките на Трамп само го забрзаа падот на лирата. Валутата падна и поради серија сомнителни фискални и монетарни одлуки на претседателот Реџеп Таип Ердоган. Серија зголемувања на каматните стапки, направени од владата, не успеаја да го запрат нурнувачкиот процес на турската валута.

Инаку бидејќи кризата вклучува приватен, а не јавен долг, ММФ потешко може да оправда евентуална финансиска помош. Поради падот на лирата беше забележан пад и на светските берзи.

А.Т.