Куба се простува од Фидел Кастро

Добивај вести на Viber

Жители и гости на Островот на слободата ќе имаат можност од денеска да се простат со историскиот лидер на кубанската револуција Фидел Кастро, кој почина во петокот на 90-годишна возраст. 

Од 9 часот по локално време правот на легендарниот Командат ќе биде изложен во меморијалниот комплекс „Хозе Марти“ на Плоштадот на револуцијата во Хавана. 

По волјата на покојниот веќе Кастро неговото тело беше кремирано во саботата во присуство на тесен круг лица, соопшти колумбискиот телевизиски канал „Каракол телевисион“, цитиран од агенциите.

Церемонијата на плоштадот ќе тече низ целиот ден до 22:00 часот и ќе трае во вторникот од 9:00 до 12:00 часот. На ова место, кое го нарекуваат срцето на политичкиот живот во Куба, граѓаните ќе можат да оддадат почит кон основачот на социјалистичката држава. Врв на прославата ќе стане многу илјадниот митинг на Плоштадот на револуцијата, на кој уште додека беше жив Фидел Кастро произнесе многу од своите познати многочасови говори. Церемонијата на погребот е предвидена за 4 декември утрото во Сантијаго де Куба.

Во земјата е прогласен деветдневна жалост.