Во периодот јануари-март 2018 производството на метали е намалено за 18,4 проценти во однос на истиот период лани.
„Податокот е уште поалармантен ако се има предвид дека минатата година намалувањето на производството беше над 15 отсто“, истакна Зорица Мешкова од комората.
Според неа, основната причина за ваквите податоци е нефункционирањето на двата најголеми металуршки капацитети, Фени и Југохром.
Состојбата се рефлектира и врз извозот кој кај металите е на истото ниво како лани и во првите три месеци од годинава изнесува 187 милиони американски долари.