Лидерите на НАТО се собираат во Лондон - Заев доби поддршка и од Робертсон

Добивај вести на Viber

Сојузничките шефови на држави и влади се собираат во Лондон, за да ја одбележат 70-годишнината на НАТО, беше објавено од Алијансата. 

Во 1949 година, Велика Британија беше една од дванаесетте основачки членки на НАТО, а Лондон беше дом на првиот штаб на НАТО. Водачите ќе донесат одлуки за натамошно зајакнување на Алијансата и продолжување на нејзината адаптација. Оваа вечер, Височеството на кралицата Елизабета Втора ќе биде домаќин на прием за лидерите на НАТО во Бакингемската палата.

Исто така, генералниот секретар на НАТО, Јенс Столтенберг ќе разговара за главните теми на состанокот на лидерите на голем настан за јавна дипломатија во Лондон, „НАТО Ангажирања: Иновирање на Алијансата“.

Премиерот Зоран Заев на својот фејсбук профил напиша дека пред Состанокот на лидерите на НАТО во Лондон, по повод 70 годишнината од постоењето на Алијансата, имале продуктивна средба со поранешните високи функционери и амбасадори на НАТО и ЕУ, членови на Охридската група.

На фотографиите што ги објави премиерот може да се види дека на средбата присуствувал и Џорџ Робертсон, поранешен генерален секретар на НАТО Алијансата. 

„Со посветените пријатели и поддржувачи разговаравме за идните заеднички иницијативи за афирмација и меѓународна видливост на Северна Македонија, која наскоро ќе биде полноправна членка на НАТО. Членството во НАТО е реализација на нашата стратешка суверена одлука, донесена со консензус во 1993. НАТО членството значи безбедност, стабилност и сигурност, како главни предуслови за економски развој и просперитет на нашата земја и граѓаните во друштво на најмоќниот безбедносен сојуз во светот“, напиша премиерот Заев.

Вицепремиерката и министерка за одбрана, Радмила Шекеринска, на својотг фејсбук профил напиша дека Владата го обезбедила местото за нашите граѓани во Алијансата на најмоќните.

„Светските лидери пристигаат во Лондон. Чест е да се биде меѓу нив. Го обезбедивме местото за Северна Македонија на НАТО лидерскиот состанок во Лондон. Го обезбедивме местото за нашите граѓани во Алијансата на најмоќните!“, напиша министерката Шекеринска на својот профил на Фејсбук.

Утре, водачите ќе се состанат во хотелот „Гроув“ за решавање на тековните безбедносни проблеми и ќе донесат одлуки за да се осигурат дека НАТО останува погоден за иднината. Од нив се очекува да се договорат за голем број мерки, вклучително и натамошни подобрувања во читливоста на сојузничките сили, признавање на просторот како оперативен домен и ажурирање на акциониот план на НАТО против тероризмот.

Водачите треба да имаат и стратешка дискусија за Русија, иднината на контролата на оружјето, како и подемот на Кина. Исто така, од сојузниците се очекува да го оценат напредокот постигнат во делењето товар во Алијансата. Ова е петта година по ред на растечка инвестиција во одбраната, со тоа што европските сојузници и Канада треба да потрошат дополнителни 130 милијарди американски долари до крајот на 2020 година, со бројки до крајот на 2024 година да достигнат 400 милијарди долари.

( Н.Н.Ф.)