Љубчо Георгиевски: Бугарија со ултиматум го суспендира договорот за добрососедство
Објавено во: Македонија 11 Октомври, 2019
Љубчо Георгиевски, поранешниот македонски премиер и добар познавач на македонско-бугарските односи, изрази длабок песимизам и разочарување од условите кои ги наметна Бугарија за Македонија штом започнат преговорите, односно отворањето на поглавјата за членство во ЕУ.
-Најновиот ултиматум од Бугарската влада го доживувам како суспендирање на Декларацијата за пријателство од 1999 година и Договорот за добрососедство од 2017 година, напиша Георгиевски.
Инаку, вчера и Еврокомесарот за проширување Јоханес Хан изрази незадоволство од „црвените линии“ на Бугарија, сметајќи дека билатерални спорови не треба да битат услови кон една земја додека ги отвора поглавјата.