Локален протест во Скопје против дивите трки
Објавено во: Македонија 18 Септември, 2020
Жителите на Општина Ѓорче Петров денеска повторно ќе излезат на протест против дивеењето и трките на улицата „Борис Сарафов“. Протестот е закажан за денеска во 16:00 часот на самата улица, за која ѓорчепетровци сметаат дека е небезбедна и бараат заштита од полицијата.
- Протестот најавен за во петок во 16 часот на улицата Борис Сарафов е пријавен во полиција. За првиот протест најавено е двочасовно блокирање на сообраќајот. Доколку нашите барања не се исполнат во најбрз можен рок, протестите ќе продолжат со 24 часовно блокирање на улицата сè додека не се реши проблемот со дивеењето и брзото возење. Напомена за присутните, да се држиме до мерките и протоколите со цел да се заштитиме себеси и останатите, гласи во објавениот повик.
Претходно, граѓаните на скопската општина протестираа против урбаната мафија.