М-НАВ: Не превработуваме, туку има повеќе работа

Добивај вести на Viber

Претпријатието за воздухопловна навигација М-НАВ истакна дека зголемениот број вработениво субјектот се должи на рекордниот број на зголемени авио-летови во Македонија. Ова претпријатие во последните неколку дена беше на удар на критика од повеќе накедонски медиуми, а меѓудругото најмногу за наводно вработувања на роднини и блиски на политичкиот врв. Според тоа, М-НАВ ги демантира заклучоците дека безбедноста на патниците е доведена во прашање.

- Одговорно тврдиме и ги демантираме последните шпекулации, во ниту еден момент безбедноста на македонското небо не е доведена во прашање. Ова тврдење е поткрепено од фактот дека сите надлежни институции задолжени за постојан надзор на нашето работење, како Владата, Агенцијата за цивилно воздухопловство и светските релевантни воздухопловни власти, меѓу кои Европската организација за безбедност на воздухопловната навигација – Еуроконтрол, Интернационалната организација за цивилно воздухопловство и Европската организација за одржување на безбедноста на авио сообраќајот го поддржуваат и поздравуваат постојаниот напредок и начинот на функционирање на АД МНАВ, стои во соопштението од компанијата.

Од таму велат дека бројот на вработувања се должи на растот на приходите за три милиони евра, раст на рекордни прелети од 1.028 за еден ден на македонското небо, а искусни контролори на летање се вратиле од Швајцарија и Србија, како и искусни инженери. 

Вработувањата во администрацијата биле неопходни за реализацијата на проектите за модернизација на системот за контрола на летање, кои се пролонгирале повеќе од пет години, информира М-НАВ.

- Во врска со написите за преселување на дел од вработените под кирија во други простории, компанијата потенцира дека настанатата состојба со канцелариите во Палатата „Лазар Поп Трајков“ е последица на недоговорната усна наредба на претходниот менаџмент во М-НАВ, кој по насока на претходната влада ги префрлил сите вработени во објект каде нема технички прием. Поради горенаведеното се до обезбедувањето решение за технички прием, новото раководство размислуваше за изнајмување на привремени простории, но идејата не се реализираше, велат од М-НАВ.